Skënderbeu në pak ditë luan njëra pas tjetrës tre ndeshje shtëpie.
E para për Kupë të mërkurën me ekipin e Delvinës e dy të tjera për kampionat, në fundjavë me Vllazninë e më pas me Egnatian.
Trajneri Ivan Gvozdenoviç shprehet se ndeshjet merren njëra pas tjetrës duke lënë për të kuptuar se përqendrimi me i madh është tek ndeshja e së mërkurës për Kupë me Delvinën.
Takim ky që dhe për kryepankinën korçare është një mundësi për të parë në kushte loje lojtarët me pak minuta në lojë gjatë ndeshjeve të kampionatit.
Ndërkohë që për ndeshjen e kampionatit me Vllazninë janë të gjitha gjasat që serbi i pankines korçare të luajë me grupin e lojtarëve më të mirë që ka në dispozicion.
Në ndeshjen e kësaj jave me shkodranët rikthehet nga minuta e parë Shaqe, lojtar që plotëson formacionin e lojtarëve që e fillon lojën nga fusha. Rikthim ky që për Gvozdenoviç i jep siguri përballë Vllazinsë.
Për fatin e mirë shkon me tej trajneri i Skënderbeut kemi në dispozicion 23 lojtarë të gjithë të gatshëm për të bërë më të mirën për Skënderbeun duke filluar nga ndeshja e parë për Kupë e me pas nga ato në kampionat.
“Jemi në ritmin e duhur ndaj e për këtë nuk duhet të ulim këtë ritëm nëse nuk duam të zbresim me poshtë në renditje. Unë besoj tek të gjithë lojtarët ashtu siç kam besuar kur kam ardhur tek Skënderbeu, sepse me këtë grup futbollistësh do të bëjmë me të mirën këtë sezon “
