Korçarët pas fitores në transfertë me Egnatian rikthehen për të luajtur në shtëpi në javën e dytë me Dinamon
Trajneri Ivan Gvozdenoviç pranon se ndeshja do të jetë e vështirë pasi Dinamo nuk është ajo skuadra e ndeshjes së barazuar në miqësore gjatë fazës përgatitore. Për kryepankinën korçare, grupi i lojtarëve është i gatshëm për të bërë po aq mirë sa ndeshjen e javës së parë, pasi të gjithë së bashku kanë besim për ta bërë këtë.
Ne hyjmë në ndeshjen e shtëpisë për të fituar por unë si trajner, ka vijuar Gvozdenovic, pranoj të treja rezultatet e ndeshjes, sepse Dinamo është një skuadër e investuar.
Për ndeshjen e javës së dytë serbi i pankines korçare ka në dispozicion të gjithë lojtarët por në pragun e kësaj ndeshje është treguar i rezervuar kur është pyetur se me cilët lojtarë do të fillojë ndeshjen nga minuta e parë.
Nuk përjashtohet mundësia të ketë lëvizje në të dy linjat e mesfushës, ashtu si ka gjasa të ketë një rotacion në sulm.
Gvozdenovic thotë se deri nesër ka kohë për të gjitha
