Pas barazimit në shtëpi javën e kaluar me Tiranën, Skënderbeu luan edhe njëherë tjetër në fushën e blertë.
Kësaj radhe pret Teutën, ndeshje që pritet të jetë më e vështirë se ajo me bardheblutë, kjo dhe për faktin se Teuta vazhdimisht ka qenë pengesë për korçarët e shumë më tepër tani kur durrsakët janë në fundin e renditjes me 12 pikë, ndryshe dy pikë më pak se Skënderbeu i Ivan Gvozdenoviç.
Në 5 javët e fundit Skënderbeu ka vetëm dy pikë, pak për një ekip që kërkon të qëndrojë pa telashe në kategorinë e më të mirëve.
Megjithatë loja e futbollistëve të Skënderbeut në ndeshjen e barazuar vetëm pak ditë më parë me kryeqytetasit ka treguar se Skënderbeu i ka gjithë mundësitë për të bërë mirë në ndeshjet e tjera, duke filluar nga ajo e kësaj jave me Teutën.
Trajneri Ivan Gvozdenoviç nuk do të ketë në lojë Shaqe, i dëmtuar në ndeshjen e para pak ditëve por kjo nuk e shqetëson të parin e stolit korçar nisur nga alternativat e shumta që ka.
“Skënderbeu, pret shkurt” – Gvozdenoviç ka 25 futbollistë të gatshëm për lojë, çka e për trajnerin alternativat janë të shumta jo vetëm në linjën e majtë por e ne sektorët e tjerë të fushës. Një mundësi mund të jetë Zenullari për të luajtur në vendin e Shaqes.
Kampionati i këtij sezoni në këto 12 javë të luajtura ka treguar se rivaliteti është aty, në çdo ndeshje. Nga vendi i 5 ku ndodhet Skënderbeu tek vendi i 3 ku pozicionohet Tirana diferenca nuk është më shumë se 4 pikë por nga Skënderbeu me 14 pikë tek Teuta që ndodhet në vendin e 10, vetëm dy pikë ka ndryshim.
Ndaj e për këtë Skënderbeu – Teuta është një ndeshje që nuk ka vlerën e tre pikëve por dyfishin e tyre
