Skënderbeu pas dy fitoreve në javën e parë në transferte me Egnatian dhe në shtepi me Dinamon, nesër luan në transferte me Tiranën.
Takim që për trajnerin Ivan Gvozdenoviç është i vështirë po aq sa dy ndeshjet e para.
“Ne shkojmë atje për të treguar më të mirën, nisur nga fakti se kemi në dispozicion të gjithë lojtarët” – thotë kryepankina korçare, teksa le të kuptohet se nuk do të ketë ndryshime në grupin e futbollistëve por nuk ka përjashtuar mundësinë e një vendosje ndryshe nga dy takimet e para të fituara.
Ndeshja Tirana – Skënderbeu nuk do të luhet në stadium “Air Albania” por tek “Selman Stermasi” fushë e cila nuk e shqetëson të parin e stolit korçar, kur thotë se për të nuk ndryshon shumë.
Për ndeshjen e të mërkurës trajneri Ivan Gvozdenoviç i ka dhënë dorën e fundit skuadrës ditën e sotme por i pyetur për formacionin është shprehur se gjithçka do behet me dije pak orë para ndeshjes
