Nëse ka pasur një temë gjatë kësaj periudhe ka qenë ajo në lidhje me ofertat e shumta që kanë mbërritur në klubin “Skënderbeu”. Madje për këtë më shumë kanë folur mediat, pasi klubi juglindor as nuk ka reaguar fare deri në këto momente.
Madje u fol që Marko Alia ka oferta nga Azerbaxhani, ndërkohë që Ardit Nikajn e kërkon Vllaznia dhe Skënderbeu nuk e lëshon minimalisht pa 100 mijë euro. E sa e sa emra të tjerë kanë dalë në skenë gjatë kësaj periudhe, madje janë shumë lojtarë në listë që kërkohen nga klube të ndryshme, brenda dhe jashtë vendit.
Por në këto momente portali ynë konfirmon se klubi nuk ka ndërmend të meret me asnjë thashethem mediatik dhe nuk ka ndërmend që të shesë aspak lirë lojtarët, qofshin një apo dy tw tillë.
Madje vetë klubi nuk ka ndërmend që të dalë në deklaratë dhe nuk do të nxitohet aspak deri në momentin që të ketë gjë konkrete. Të njëjta burime konfirmojnë se nga Skënderbeu nuk do ta shiten më shumë se 1 apo 2 lojtarë, pasi të gjithë të tjerët duhet të qëndrojnë dhe objektivi madhor që ka ekipi për tu ngjitur një orë e më parë në superligë, kërkon në përbërje lojtarë shumë cilësorë dhe këta Skënderbeu i ka.
Në këtë mënyrë deri në këto momente të gjitha ofertat mbeten thjesht thashetheme dhe asgjë konkrete apo zyrtare.
Duhet të presim akoma kohë për të mësuar të rejat zyrtare nga ana e klubit bardhekuq, klub që vazhdon të jetë me pushimet verore.
