Skënderbeu nuk ia del në ndeshjen që u cilësua si finale, pasi nuk merr më shumë se barazimi në shtëpi ndaj Bylisit.
Në një ndeshje që u ndoq nga tifozë të shumtë, skuadra korçare gaboi në momentin vendimtar, pasi sot kryesonte 2-0 dhe Bylisi arriti ta barazonte në pjesën e dytë 2-2.
Për të ardhur keq në një ndeshje ku Skënderbeu shënoi dy gola në pjesën e parë nga goditjet e dënimit. Mejdani dhe Lamellari çuan rezultatin në 2-0. Në minutën e fundit të pjesës së parë duhet thënë se Skënderbeu humbi edhe 11-metërsh.
Pjesa e dytë për t’u harruar, pasi Bylisi këtu bën kthesën. Gjoni dhe Përndreca në harkun kohor të pak minutave barazojnë rezultatin në 2-2. Një barazim që e mban Bylisin në vendin e parë dhe Skënderbeun në vendin e dytë, por me pikë të barabarta.
Tashmë mbeten edhe dy javë, por duket e vështirë që Skënderbeu të shpallet kampion.
