Në fillim të muajit Prill pritet nënshkrimi i marrëveshjes së vendit pritës lidhur me gazifikimin e qytetit të Korçës.
Një gjë e tillë është me dije nga kryetari i bashkisë Sotiraq Filo pas takimit që ka patur në zyrën e tij me ambasadorin e Azerbajxhanit dhe përfaqësuesin e kompanisë SOCAR.
Filo ka bërë me dije se kanë përfunduar pikat teknike të këtij projekti i cili do të shfaqet për publikun dhe grupet e interesit në datën 5 Mars.
Ky investim vjen pas nënshkrimit të marrëveshjes së qeverisë shqiptare me atë të Azerbajxhanit, investim që pritet të kushtojë rreth 21 milion euro, ku punimet pritet të zgjatin deri në 10 vite.
