Skënderbeu në volejboll për femra pas fitores 2-3 me Partizanin në Tiranë ka fituar edhe ndeshjen e dytë në Korçë me rezultatin 3-0.
Pas dy ndeshjeve të fituara korçaret e rrjetës do të përballen në finale me Tiranën që ka fituar në dy ndeshje 3-0 me Pogradecin.
Seti i parë i ndeshjes së dytë me Partizanin ka qenë rivalizues deri në pikët e fundit por seti është fituar nga Skënderbeu ndërkohë që dy setet e tjera janë mbyllur shpejt nga vajzat e trajnerit Orlando Koja, i dyti 25-14 dhe i treti 25-15.
Pas ndeshjes trajneri Orlando Koja por dhe kapitenia Elena Bego kanë vlerësuar lojën e ekipit ndërsa e mendojnë të fortë fitoren me Tiranën.
Fabiana Pesce, për herë të parë shihet ta fillojë ndeshjen nga parketi në një ndeshje kaq përcaktuese dhe ka befasuar të gjithë me organizimin fantastik të saj. Pas ndeshjes venezueliania ka treguar se është përshtatur tanimë me lojën dhe korçaret e tjera.
“E di që bëra një lojë të mirë të mirë sot sepse nuk mendova për asgjë tjetër përveç topit dhe pikëve. Nuk ndërhyri asgjë në mendjen time, veçse të fitoja. Jam përpjekur të përshtatem me vajzat, qe me kane mirëpritur, me qytetin, e dua Shqipërine, e dua këtë vend”
Ndeshja finale e Kupës së Shqipërisë në volejbollin për femra mes Skënderbeut dhe Tiranës luhet në kryeqytet në datën 16 Mars
