Si ndodhi krimiShqiptari i cili ekzekutoi me armë bashkëkombasin e tij 50-vjeçar në pikën e karburantit në Selanik, është vetëdorëzuar në polici.
Sipas mediave greke, autori është një 45-vjeçar, baba i tre fëmijëve, i cili i shoqëruar nga avokati i tij është vetëdorëzuar pranë autoriteteve. Mediat greke kanë publikuar dhe pamjet e rënda të vrasjes, ku 50-vjeçari shihet teksa qëllohet me 3 plumba nga bashkëatdhetari i tij.
Sipas mediave greke, dy shqiptarët janë përplasur për mosmarrëveshje financiare. Ata mësohet se ishin miq dhe të njohur në zonën ku ka ndodhur ngjarja.Autori dhe viktima kanë qenë ulur së bashku në të njëjtën kafene përpara ngajrjes ku kanë debatuar me njëri tjetrin.Pas largimit nga kafeneja ata kanë shkuar në një pikë karburanti ku kanë vijuar debatin.
Siç është parë dhe nga pamjet, autori qëndron në makinë teksa vijon debati me viktimën i cili ndodhet jashtë. Në një moment 50-vjeçari tenton ta qëllojë nga jashtë makinës, por kundërpërgjigjjja me armë bën që ai të ndërrojë jetë në vend.
“Njëri nga të dy doli nga automjeti i tij dhe qëlloi tjetrin me armë dhe u zhduk, para syve të tmerruar të kalimtarëve”, ka thënë për mediat greke një dëshmitar.
