Që nga 25 qershori, Skënderbeu ka “ndezur motorët” dhe shpresohet që, përveç përgatitjes intensive, klubi të kryej edhe një merkato cilësore, në mënyrë që objektivi të mos vihet në diskutim. Në lidhje me situatën në ekip gjatë këtyre ditëve të para stërvitore, por edhe synimeve, trajneri Gjoka, për mediat lokale u shpreh:
”Sa i përket sezonit të ri, 2025-2026, do të kem boshtin e ekipit të kaluar, kryesisht me ata futbollistë që ishin nga java e parë. Kjo është pozitive dhe situata tani është krejt ndryshe nga ajo e sezonit të kaluar”.
Ashtu si të gjitha klubet e tjera, edhe Skënderbeu do të përfshihet në merkato, si në hyrje dhe dalje. Korçarët mbeten të hapur për shitje lojtarësh, sigurisht përkundrejt ofertave të kënaqshme, siç ishte rasti i fundit i Ermir Rashicës, i cili u transferua për rreth 800 mijë euro tek ukrainasit e Metalist 1925.
Është po ky klub, që thuhet se është i interesuar për sulmuesin tjetër të Skënderbeut, Ardit Nikaj. Sa u përket përforcimeve, është thënë se korçarët kanë gjetur akordin me një sulmues ganez, Baba Hamdu Musa.
Në lidhje me merkaton e bardhekuqve, trajneri Ernest Gjoka, sqaroi:
“Ne kemi vendosur që në ekip të afrojmë edhe disa futbollistë nga akademia, të cilët kanë mbyllur sezonin ose disa sezone më parë, dhe ndërkohë po mendojmë për të afruar edhe futbollistë të huaj. Për momentin nuk është afruar asnjë prej tyre, por do të vijnë në ekip”.
Sa u përket largimeve, për momentin te Skënderbeu quhen të ikur këta futbollistë: Zhoao Felipe, Liridon Balaj, Mamane Amadou Sabo, Elvis Prençi
