Punimet për ndërtimin e ujësjellësit të ri në fshatin Zvezdë po ecin me ritme të mira, duke shënuar një investim të rëndësishëm për përmirësimin e jetës së banorëve dhe furnizimin e qëndrueshëm me ujë të pijshëm.
Ky projekt, i financuar dhe zbatuar nga Ujësjellës Kanalizime Korçë sh.a., bën pjesë në programin e Bashkisë Maliq për modernizimin e infrastrukturës së ujësjellësit në zonat rurale.
Gjatë inspektimit në terren, u vlerësua ndikimi i këtij investimi në cilësinë e jetesës, mbrojtjen e shëndetit publik dhe eliminimin e problematikave të trashëguara nga sistemet e vjetra.
Projekti parashikon:
- Ndërtimin e linjave të reja të furnizimit;
- Instalimin e rrjetit të shpërndarjes në të gjitha lagjet e fshatit;
- Sigurimin e një burimi të filtruar dhe të kontrolluar të ujit të pijshëm.
Ky investim përfaqëson një hap të rëndësishëm drejt zhvillimit të qëndrueshëm rural dhe ofrimit të shërbimeve të barabarta në të gjitha njësitë e Bashkisë Maliq.
