Një 41 vjeçare, shitëse në fshatin Zvezdë, po procedohet në gjendje të lirë. Në dyqanin e saj u gjetën produkte dhe mallra të pakontrolluara nga organet kompetent.
Njoftimi i policisë;
DVP Korçë/Procedohet në gjendje të lirë 1 shtetase për veprën penale të shitjes së ushqimeve të pakontrolluara.
–Specialistët për Hetimin e Krimeve Ekonomiko-Financiare të DVP Korçë referuan materialet në Prokurori ku filloi procedimi në gjendje të lirë për shtetasen V. B., 41 vjeçe, banuese në fshatin Zvezdë, Maliq, pasi gjatë kontrollit të ushtruar në dyqanin e saj u gjetën produkte ushqimore, të pakontrolluara nga organet kompetente. Nga verifikimet e kryera rezultoi se dyqani i 41-vjeçares nuk ishte i regjistruar në organet tatimore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
