Rreth 75 forca operacionale, të ndara në tre grupe, janë angazhuar që në orët e para të mëngjesit në një ndërhyrje të organizuar për izolimin dhe neutralizimin e zjarrit që ka përfshirë një sipërfaqe të madhe në Parkun Kombëtar të Prespës, në Bashkinë Pustec.
Në operacion për izolimin e flakëve janë të angazhuar forca të shërbimit zjarrfikës të bashkisë Pustec si dhe punonjës të shërbimeve publike, të agjencisë Rajonale të Zonave të Mbrojtura, forca të ushtrisë si dhe ato te Policisë.
Terreni ku janë shfaqur vatrat është i thepisur dhe i vështirë për ndërhyrje, por pavarësisht sfidave, forcat janë të angazhuara për të përballuar situatën, por terreni e bën tejet të vështirë ndërhyrjen me mjete të shërbimit zjarrfikës. Akoma më e vështirë bëhet situata edhe për shkak të mungesës se rezervave ujore aty ku zjarri ka dhe intensitetin më të madh.
