Ambasadorja e Japonisë në Shqipëri ka marrë pjesë këtë të enjte në ceremoninë e dorëzimit të një mjeti të ri eskavator bashkisë së Pustecit, si një donacion i popullit japonez, me qëllim përmirësimin e kushteve të jetesës së banorëve të kësaj zone.
Nga ana e tij, kryebashkiaku Pali Kolefski falenderoi shtetin Japonez, dhe shprehu dëshirën e tij që ky bashkëpunim të vijojë edhe në të ardhmen.
Ky mjet i dhuruar është mjaft i domosdoshëm për banorët e zonës jo vetëm për pastrimin e kanaleve kulluese por edhe për përmirësimin e masave mbrojtëse ndaj fatkeqësive natyrore dhe civile.
Ambasadorja Kato tregoi gadishmëri bashkëpunimi dhe premtoi se në të ardhmen do të ketë edhe donacione të tjera për nevojat e banorëve të Pustecit.
