Një grup qytetarësh dhe tregëtare kanë protestuar ditën e sotme para bashkisë së Pogradecit.
Shkak sipas tyre është bërë rritja e taksave dhe tarifave vendore nga ana e kësaj bashkie.
Tubuesit thanë bëhet fjalë për rritje të tarifës së pastrimit që varion nga 20-100%, që sipas tyre do të jetë më të lartë për biznesin e madh në qytet.
Nga ana tjetër dejtoresha e taksave vendore në bashkinë e Pogradecit Enjela Karafili pranon faktin e rritjes së tarifës së pastrimit, kryesisht për ato biznese që janë dhe ndotësit me të mëdhenj të mjedisit.
Objekti i rritjes së taksave do të jenë hoteleritë, fastfoodet, serviset si dhe subjekte të tjera tregëtare nga 20 deri në 50%. Nga tarifa e pastrimit dhe taksa të tjera janë të përjashtuar pensionistët, familjet në ndihmë ekonomike, invalidët, familjet e reja si dhe gratë kryefamiljare.
Sipas bashkisë së Pogradecit rritja e tarifës së pastrimit vjen pasi sasia që prodhohet nga hoteleritë kryesisht dhe bar restoranter është tepër e madhe e për rrjedhojë edhe tarifa që paguhet në landfill është rritur, pa marrë parasysh indeksimin e çmimeve, pagave etj.
