Pas telefonatave të shumta të bëra ndaj ish-bashkëshortes së tij, 38 vjeçari procedohet pasi dyshohet se e ka kërcënuar. Ish-bashkëshortja e tij ishte e pajisur edhe me urdhër mbrojtjeje.
Njoftimi i Policisë Korçë;
Specialistët për Hetimin e Krimeve të Komisariatit të Policisë Korçë referuan materialet në Prokurori dhe filloi procedimi në gjendje të lirë për shtetasin E. M., 38 vjeç, banues në Korçë, pasi dyshohet se në kundërshtim me vendimin e Gjykatës, ka fyer dhe kanosur nëpërmjet telefonit, ish-bashkëshorten e tij, e cila është e pajisur me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
