Programet e studimit në universitetin e Korçës që nuk plotësojnë numrin e duhur të studentëve do të jenë objekt diskutimi në senatin e këtij universiteti.
Një gjë e tillë është bërë me dije nga zv rektori i këtij universiteti Artur Adili kur tha se në raundin e parë nuk kemi programe që rrezikojnë mbylljen por vetëm kemi të bëjmë me një numër minimal maturantesh që kanë aplikuar.
Sipas Adilit universiteti ka autonominë e vendimmarrjes nëpërmjet senatit ashtu siç tha se nuk ka numër të përcaktuar që vendos pezullimin ose jo të këtyre programeve.
Në universitetin e Korçës edhe këtë vit pritet të jetë numër i njëjtë studentësh me ato të një viti më parë. Zyrtarisht thuhet se do të jene diçka më shumë se 3000 studentë, kjo në varësi të aplikimeve në raundin e dytë dhe të tretë të këtij viti akademik
