Pavlina Evro u aktivizua me ekipin e Skënderbeut në sportin e atletikës me trajner Piro Kasati pasi përfundoi shkollën 8-vjeçare.
Në vitin 1981 u bë pjesëtare e ekipit kombëtar për të reja si atlete e garave të mesme dhe të gjata.
Në vitin 1982 Pavlina Evro shpallet Kampione Kombëtare për të reja dhe pas një viti, thyen rekordin në garën 800m, 1500m, 3000m.
Në gusht të vitit 1983 shpallet Nënkampione e Europës. Pas një viti, në Nicë të Francës, në garën 1500m merr vendin e parë ku fiton medalje ari me rezultat 4’6″62. Për këtë ajo dekorohet nga Bashkia e Nicës si “Qytetare Nderi” dhe “Perla e Shqipërisë”.
Nga viti 1985-1991 ajo ka marrë kupa dhe medalje të ndryshme në gara kombëtare dhe ndërkombëtare duke ngritur lart emrin e ekipit kombëtar dhe Shqipërisë.
Pavlina Evro është dekoruar me disa tituj të tjerë, ndër to “Nder i Sportit Shqiptar”.
