Riaktivizohen vatrat e zjarrit në afërsi të pikës së kalimit kufitar të Kapshticës, vatra te cilat ishin izoluar gjatë orëve të para të ditës së sotme.
E gjithë kjo ka ardhur për shkak të temperaturave të larta që ka përfshirë juglindjen gjatë 24 orëve të fundit.
Terren i thyer malor e bën pothuajse të pamundur ndërhyrjen e mjeteve zjarrfikëse ndaj punojësit e këtij shërbimi bashkë me forca të shërbimit pyjor dhe policisë kufitare po ndërhyjnë me mjete rrethanore për të izoluar vatrat e zjarrit si dhe pompa shpine.
Burime bëjnë me dije se pala shqiptare ka kërkuar ndihmën e palës greke për ndërhyrje nga ajri por deri tani shërbimi civil grek nuk ka një përgjigje pozitive.
Zjarri vijon të jetë aktiv edhe në thellësi të pyllit të fshatit Vërnik. Gjithashtu paraditen e sotme është riaktivizuar një tjetër vatër zjarri mbi fshatin Dishnicë.
