Sasitë me të mëdha janë në fshatin Zvirinë të bashkisë së Maliqit pasi në këtë fshat këtë vit janë mbjellë 850 hektarë me qepë.
Sipas fermerëve mos shitja ka ardhur për shkak të çmimit të ulët në treg.
Burbuqe Killo nga fshati Zvirinë ka mbjellë me shume se 36 dylyme me qepë, prodhim të cilin e krejt të pashitur.
Halidie Hoxhallari se bashku me djemtë e saj pasi ka punuar si emigrantë në Itali është kthyer për të investuar në bujqësi në fshatin e saj por ka mbetur e zhgënjyer pasi gjithë prodhimi ka ngelur pa shitur.
Kryeplaku i fshatit Zvirinë Robert Qeleshi thotë se një vit më parë çmimi për një kg qepë ka shkuar deri në 100 lekë të reja ndërsa këtë vit jo më shumë se 20 lekë.
Në gjithë Qarkun e Korçës vitin e kaluar janë mbjellë 1170 hektarë qepë, ndërsa këtë vit 100 hektarë me shume se një vit më parë.
