Korçarët pas humbjes së një jave më parë në transferte me Egnatian, të djelën luajnë në shtëpi me Bylis në një ndeshje që ka brenda saj më shumë se një përballje
Pas fitores me Partizanin javën e kaluar ballshiotet janë në vendin e 9 me 3 pikë më pak se korçarët e trajnerit Ernest Gjoka
Ndaj e për këtë, bardhekuqte nuk mendojnë rezultat tjetër përveç fitores në ndeshjen e shtëpisë me Bylis edhe për të mos patur situata më të rënduara në vijim të sezonit
Trajneri Ernest Gjoka pas ndeshjes së humbur me Egantian ka ngritur në kulm tonin me futbollistët madje u ka kërkuar të jenë të kujdesshëm edhe me regjimin, për të mos patur pasoja pasi situata nuk është e mirë për skuadrën korçare
Gjatë gjithë këtyre ditëve kryepankina korçare ka punuar me skema të ndryshme taktike duke treguar hapur se kërkon me tepër agresivitet në manovrën sulmuese ashtu siç kërkon të mbajë skuadrën lart në këtë ndeshjen shtëpie.
